महासंघले भोलि मोटर साइकल र्याली गर्दै…

राष्ट्रिय ख्रीष्टियन महासंघ नेपालले भोलि पौष ८ गते आइतबारका दिन बिहान ७ः३० बजेदेखि काठमाडौंस्थित बिजुलीबजारबाट ख्रीष्टमसको सुभकामना मोटरसाइकल र्याली शुरु गर्दैछ ।

सो र्याली काठमाडौंका विभिन्न स्थानहरूलाई परिक्रमा गर्दै ख्रीष्टमसको संदेशहरू संचार गर्ने जनाइएको छ । सो र्याली माइतिघर, थापाथली, त्रिपुरेश्वर, नाराणहिटी दरबार पछाडि हुँदै भृकुटीमण्डपमा गएर समापन हुनेछ । महासंघले सो सुभकामना मोटरसाइकल र्यालीमा सबै मण्डलीका पास्टरहरू, अगुवाहरू, जवानहरू तथा अन्य विश्वासी दाजुभाई तथा दिदीबहिनीहरू सबैलाई आआफ्नो मोटरसाइकल सहित सहभागी हुनका लागि आब्हान गरेको छ ।

स्मरण रहोस् बितेका कयौं वर्षदेखि ख्रीष्टमसको अवसर पारी निरन्तर रुपमा महासंघले काठमाडौंमा विभिन्न ठाउँहरूबाट मोटरसाइकल र्याली निकाल्दै आइरहेको छ ।