एन.सी.एफ.नेपालको ख्रीष्टमस शुभकामना आदान–प्रदान सम्पन्न

ललितपुर,मंसिर २७, एन.सी.एफ.नेपालको आयोजनामा कुसुन्तीस्थित संस्थाको आफ्नै कार्यालयमा ख्रीष्टमस तथा नयाँ वर्षको शुभकामना आदान–प्रदान कार्यक्रम सम्पन्न गरेको छ । सो कार्यक्रममा विभिन्न मण्डलीका पास्टर तथा अगुवाहरू लगायत विभिन्न संघसंस्थाका प्रतिनिधिहरूको सहभागिता रहेको थियो ।

एन.सी.एफ. नेपालका केन्द्रीय अध्यक्ष रेभ. हनोक तामाङले सहभागीहरूलाई स्वागत गर्नुहुदैँ ख्रीष्टमसको शुभकामनाका साथसाथै संस्थाको भावी कार्यदिशाको बारेमा बताउनु भएको थियो । त्यस्तैगरी क्वाइनोनिया मण्डलीका बरिष्ठ पास्टर डा. मंगलमान महर्जनले मस सन्देश बाड्नु भएको थियो । सो शुभकामना कार्यक्रममा एजी.एन.को तर्फबाट पा. मुकुन्द शर्मा, एन.सी.एस.को तर्फबाट पा. टंक सुबेदी, नमुना ख्रीष्टियन समुदायको तर्फबाट पा. शामुएल सोदेम्बा लगायत पास्टर गणेश श्रेष्ठ, डा. तिर्थ थापा, डा. महेन्द्र भट्टराई र पुर्वक्षेत्रको प्रतिनिधित्व गर्दै पास्टर हिमालराईले शुभकामना मन्तव्य दिनुभएको थियो ।

कार्यक्रमलाई महासचिव रेभ. शेर ए.सीले कुशलतापूर्वक सञ्चालन गर्नुभएको थियो भने अन्त्यमा केन्द्रीय सचिव पा. वीरबहादुर तामाङले सहभागीहरूलाई धन्यवाद ज्ञापन गर्नुभएको थियो । र अन्त्यमा डा. कर्णबहादुर तामाङले अन्तिम प्रार्थना गर्नुभएपछि कार्यक्रम समापन भएको थियो ।