एसेम्ब्लिज अफ गड नेपाल (ए.जी.एन) को महासभा सम्पन्न

गत फाल्गुन महिनाको २१ देखि २४ गते सम्म सुनसरी जिल्लाको इटहरीस्थित शालोम ए.जी. आराधना केन्द्रमा एसेम्बलिज अफ गड नेपाल (ए.जी.एन.) को महासभा -२०७४ सम्पन्न भएको छ ।

जहाँ देशभरिबाट १२०० मण्डलीहरूबाट प्रतिनिधिका रूपमा पास्टर तथा अगुवाजनहरूको सहभागिता रहेको थियो । उक्त सभामा भारत ए.जी.का सुपरिटेन्ड़ेन्ट रेभ.डा.पास्टर डी. मोहनले वचनको सेवा गर्नुभएको थियो । उक्त भेलाले आगामी ३ वर्षको लागि नयाँ केन्द्रिय कार्य समिति चयन गरेको जानकारी प्राप्त भएको छ, जसमा अत्याधिक बहुमतले कलबरी चर्च धनगढीका वरिष्ठ पास्टर जोसेफ श्रेष्ठलाई अध्यक्षका रूपमा निर्वाचित हुनुभएको खबर प्राप्त भएको छ ।

सो महासभाको कार्यक्रममा विभिन्न व्यक्तिहरुले शुभकामना दिनुभएको थियो । एनसिएसका महासचिव डिल्लीराम पौडेलले शुभकामना तथा प्रार्थनामा अगुवा गर्नुभएको थियो ।