रक्तदान कार्यक्रम सम्पन्न

लामो समयदेखि क्वाइनोनिया समाज सेवा नेपालले विभिन्न सामाजिक कार्य गर्दै आइरहेको छ । यस कार्यलाई निरन्तरता दिंदै रक्तदान कार्यक्रम सम्पन्न गरेको समाचार खबरमा जनाइएको छ । नेपालको एक इतिहास बोकेको मण्डली मध्ये एक क्वाइनोनिया पाटन चर्चमा सो कार्यक्रम भब्य रुपले सम्पन्न भएको कुरा आयोजकबाट थाहा हुन आएको छ । सो कार्यक्रम गत डिसेम्बर ३ तारिख आइतबारका दिन भएको हो । विहानैबाट शुरु भएको सो रक्तदान कार्यक्रम ख्रीष्टमसको शुभ अवसर पारी आयोजना गरिएको र यस समाजको ४३ औं रक्तदान कार्यक्रममा ५१ जनाले आफ्नो अमुल्य रक्तदान गरी सो कार्यक्रमलाई सफलताका साथ सम्पन्न गरिएको कुरा क्वाइनोनिया समाजका सदस्य श्री केदार महर्जनले हामीलाई जानकारी दिनुभएको थियो ।