चर्चको सहयोगमा मास्क र हात धुने साबुन वितरण सम्पन्न

कैलाली, २०७६ चैत्र १२ गते । विश्वभरी नै कोभिड १९ कोरोना भाइरसले आक्रान्त पारिरहेको बेला कैलाली जिल्लाको लम्की चुहा नगरपालिका ५मा रहेको बेथलेहेम चर्चको सहायता र रामारोशन गार्मेट उद्योग तथा आर्मी क्लबकी कराते खेलाडी मन्जु बि.क.को सहयोगमा गत चैत्र ११ गतेका दिन स्थानयि बासिन्दालाई साबुन पानीले हात धुन सिकाउनुका साथ साथै र यस्तो अवस्थामा कोरोना भाइरसबाट बच्नको लागि र सुरक्षित रहनका लागि अभियान सञ्चालन गर्दै स्थानीय बासिन्दाहरुको लागि मास्क र हात धुने साबुन उपलब्ध गराइएको थियो ।

त्यस अभियानमा आर्मी क्लबकी खेलाडी मन्जु बि.क., तिर्थ सार्की र रिचर्ड पिटरले हात धुने साबुन उपलब्ध गराइ सहयोग गर्नु भएको थियो भने र रामारोशन गार्मेन्ट उद्योगले मास्क उपलब्ध गराइ यस अभियानलाई सहयोग गर्नुभएको थियो ।

स्मरण रहोस् यस अभियान गगन बि.क.को नेतृत्वमा सम्पन्न भएको थियो ।