पुस्तक विमोचन तथा वर्ड एण्ड लाइफ कन्फ्रेन्स सम्पन्न

काठमाडौं । गत २२ अप्रिल २०१९का दिन ललितपुरको ग्वार्कोस्थित हेब्जिबाह म्युजिक सिटीमा पास्टर आशिष सिन्हा र पास्टर रोहित ढकालद्वारा झुटो शिक्षाका बारेमा लेखिएको पुस्तक विमोचन भयो । सो पुस्तक विमोचन वर्ड एण्ड लाइफ कन्फ्रेन्स भएको बेला विमोचन गरिएको हो । सो पुस्तक नेपाली ख्रीष्टियन समुदायमा अहिलेसम्मकै सर्वाधिक विक्री भएको पुस्तकको रुपमा चिनिन्छ ।

सो पुस्तक विमोचन पाँचौ संस्करण भएर निस्किएको हो । सो पुस्तक पास्टर अब्राहाम, पास्टर विनय भण्डारीद्वारा विमोचन गरिएको थियो । कार्यक्रम सञ्चालन सन्तोष सापकोटाले सञ्चालन गर्नुभएको सो कार्यक्रममा विभिन्न पास्टरहरूलाई प्रशंसा पत्र पनि प्रदान गरिएको थियो । सो प्रशंसा पत्र प्रदान एनसिएसका अध्यक्ष पास्टर वर्णबास श्रेष्ठको बाहुलीबाट गरिएको थियो भने सो किताबको मुल्य मान्यता र महत्वका बारेमा एनसिएफ नेपालका महासचिव पास्टर शेर बहादुर ए.सी.ले गर्नुभएको थियो ।

सो कार्यक्रममा विभिन्न मण्डलीका पास्टरहरू तथा विभिन्न थियोलोजीकल सेमिनारीबाट शिक्षकहरूको सहभागिता रहेको थियो ।