वेथशालोम पुतलीसडक चर्चको ६६औं वार्षिकोत्सव भव्यताका साथ सम्पन्न

काठमाडौं, ९ अप्रिल २०१९, काठमाडौंको पुतलीसडकस्थित वेथशालोम पुतलीसडक मण्डलीले आफ्नो स्थापनाकालको ६६औं वार्षिकोत्सव गत अप्रिल ६ तारिख शनिबारका दिन एक कार्यक्रमको आयोजना गरी भव्यताका साथ मनाएको छ ।

नेपालकै दोस्रो पुरानो मण्डली तथा काठमाडौं उपत्यकाभित्रको पहिलो ऐतिहासिक यस मण्डलीले सो अवसरमा मण्डलीकै इतिहासमा महत्वपूर्ण योगदान गर्नुहुने व्यक्तित्वहरूलाई दोसल्ला ओढाई सम्मान पत्र प्रदान गरिएको थियो । उक्त अवसरमा मण्डली स्थापनाकालका शुरूका दिनहरूमा वेथशालोम मण्डलीले के कस्ता चुनौतीहरूको सामना गरेको थियो र के कस्ता उपलव्धिहरू हासिल गरेको थियो, सो समेत स्मरण गर्दै परमेश्वरलाई धन्यवाद दिने कार्यक्रम रहेको थियो ।

सो अवसरमा सम्मानित हुनेहरूमा मनोहरा निवासी श्री मिठु संजेल र मण्डलीकै सवैभन्दा पुरानो सदस्य श्रीमती शान्ति अग्रवाल रहेको जानकारी वेथशालोम मण्डलीका एल्डर श्री ज्ञान नारायण श्रेष्ठले जानकारी गराउनु भएको थियो ।