म्याग्दीको बेनीमा युथ क्याम्प सम्पन्न

प्रकाश बानियाँ, बेनी । दर्शन मण्डली बेनीको आयोजनामा गत फागुन ८-१० सम्म तीन दिने ९ औ धौलागिरी युथ क्याम्प सम्पन्न भएको छ ।

सो युथ क्याम्प पास्टर सूर्य तिलिजाको सुरुवातको प्रार्थनाबाट सुरु भएको थियो । सो कार्यक्रमको मुख्य विषय १ पत्रुस २:९-१० को म ख्रीष्टमा म को हु भन्ने कुरा काठमाण्डौबाट आउनु भएका पास्टर शामुएल तामाङ्ग पोखराबाट आउनुभएको एल्डर अनिल शाही लगायत अन्य वक्ताले सो बिषयमा प्रकाश पार्नु भएको थियो । सो युथ क्याम्प कार्यक्रममा स्थानीय जवान क्वायर झुन्ड र हिमालय रक ब्याण्डले आराधनामा अगुवाई गरेको थियो ।

अन्त्यमा धन्यवादको प्रार्थना र धन्यवाद ज्ञापन एल्डर नर बहादुर पुनले गर्नु भएको थियो र स्थानीय दर्शन मण्डलीको पास्टर सूर्य तिलिजाले अन्तिम प्रार्थना गरेर कार्यक्रमको अन्त गर्नु भएको थियो र सो कार्यक्रममा धौलागिरी अञ्चल विभिन्न चर्चका २०० युवायुवतीहरूको सहभागिता रहेको थियो ।