उपहार नामक म्युजिक भिडियो सार्वजनिक

काठमाडौं, १६ डिसेम्बर २०२१ । आमोस तामाङ र रञ्जना ढुङ्गेलद्वारा निर्माण गरिएको उपहार नामक ख्रीष्टियन म्युजिक भिडियो हालै सार्वजनिक गरिएको छ ।

रञ्जना ढुङ्गेलको स्वर र शव्द रहेको सो गीतमा आमोस तामाङले सङ्गीत भर्नु भएको छ । ख्रीष्टमसलाई मध्यनजर गरी निमार्ण गरिएको उक्त म्युजिक भिडियोको निर्देशन बिरेन तितुङले गर्नुभएको छ भने अभिनय चन्दा बाँनिया लगायतले गरेका छन् । आमोस तामाङ आधिकारिक यूट्युव च्यानलमा सार्वजनिक भएको उक्त म्युजिक भिडियोलाई छोटो समयमा धेरै दर्शकहरूले मन पराउन थालेका छन् ।

आफूले सञ्चालन गरेको आधिकारिक यूट्युव च्यानलमा ख्रीष्टियन गीत र भिडियो मात्र प्रशारण गरेको सञ्चालक आमोस तामाङले जानकारी दिनुभयो ।

श्रीमान र श्रीमती समेत रहेका जोडीले ख्रीष्टमसलाई लक्षित गरी उपहार नामक म्युजिक भिडियो निमार्ण गर्नुभएको हो । ख्रीष्टियन गीत सङ्गीतलाई माया गर्ने यो जोडीले यो भन्दा अगाडि पनि धेरै म्युजिक भिडियो र गीतहरू निमार्ण गर्नुभएको छ ।