म्युजिक भिडियो ‘तिमी मेरी हव्वा’ सार्वजनिक

१५ मार्च २०२१, काठमाडौं। मोन आलेको  नेपाली ख्रीष्टियन म्युजिक भिडियो ‘तिमी मेरी हव्वा’ हिजो आइतबार सार्वजनिक भएको छ ।

धर्मशास्त्र बाइबलमा रहेको आदम र हव्वाको कथालाई बिरेन तितुङले सुन्दर ढंगले निर्देशन गर्नुभएको सो गीतमा स्वयम् मोन आले र चर्चित गायिका मिलन नेवारको स्वर रहेको छ । नयाँ पाना फिल्मसको ब्यानरमा निर्मित उक्त म्युजिक भिडियोमा पायल मोक्तान, स्वरूपा बल, सुनिल घतानी र समिर मालीको जीवन्त अभिनय देख्न सकिन्छ ।

उक्त गीतको शब्द रचना तथा लय मोन आलेको रहेको छ भने देबेन्द्र नेवाको संगीत एरेन्ज गरेका छन् । गीतलाई चन्द्र चौधरीले मिक्सिङ्ग गरेका छन् भने बिनोद याक्खाले उक्त म्युजिक भिडियोलाई सम्पादन गरेका छन् ।

उक्त म्युजिक भिडियोमा सामुएल लामा र आधुनिक राईको कोरियोग्राफी रहेको छ भने बुद्धि तामाङ र जानु जेन्नीले मेकअपमा साथ दिएका छन् । म्युजिक भिडियो उत्पादन इन्चार्जमा आइता जिमी छन् भने लाइट डिजाइनमा दिनेश लामा रहेका छन् । उक्त म्युजिक भिडियोको छायांकन दिपेन बस्नेतले गरेका हुन् । उक्त म्युजिक भिडियोलाई मोन आले अफिसियल युट्युव च्यानल मार्फत सार्वजनिक भएको हो ।