महासंघले नवनिर्वाचित सभामुख अग्नि प्रसाद सापकोटालाई भेटेर बधाई दियो

ख्रीष्टियन खबर, २०७६ माघ १७ गते । प्रतिनिधि सभाका नवनिर्वाचित सभामुख अग्नि प्रसाद सापकोटालाई राष्ट्रिय ख्रीष्टियन महासंघ नेपालको एक टोलीले भेटेर बधाई दिनुका साथसाथै सफल कार्यकालको शुभकामना दिएको छ ।

लाजिम्पाटस्थित सभामुखको निवासमा महासंघका अध्यक्ष सि.वि. गहतराजको नेतृत्वमा गएको महासंघका पदाधिकारीहरूको एक टोलीले आज विहान आठ बजे उहाँलाई भेटी सफल कार्यकालको शुभकामना सहित बधाई दिएको हो । बधाई दिने क्रममा महासंघका अध्यक्ष सि.वि. गहतराजले सफल कार्यकालको लागि नेपालका ख्रीष्टियनहरूले परमेश्वरसँग प्रार्थना गरिरहेको कुरा सम्माननीय सभामुखलाई जानकारी गराउनु भएको थियो ।

स्मरण रहोस् गत आइतबार मात्र प्रतिनिधि सभाको सभामुख पदमा अग्निप्रसाद सापकोटा निर्विरोध निर्वाचित हुनुभएको हो ।