ख्रीष्टमस साइकल र्याली सम्पन्न

धरान, २०७६ पुस ६ गते । धरान ख्रीष्टियन युवा संगतिको आयोजनामा ख्रीष्टमस साईकल र्याली सम्पन्न भएको छ ।

१५० जना साइकल चालकहरूको सहभागिता रहेको सो र्याली धरानको भानुचोकबाट शुरु गरी निराजन टोल हुँदै चौध किलोमिटरको परिक्रमा गरी भानुचोकमा नै आएर समापन भएको थियो । ख्रीष्ट येशु सबैको निम्ति भन्ने सन्देश बोकेका युवाहरूको साइकल र्यालीमा युवाहरूलाई उत्साह प्रदान गर्न इम्मानुएल कृपा मण्डलीका रेभ. जोसेफ हिमाल राईको सहभागिता रहेको थियो । यस अघि धरान इसाई युवा संगतिले धरानको घण्टाघर आधुनिक बत्तीले सजाउनुका साथै बिभिन्न रचनात्मक कार्य गर्दै आइरहेको युवा संगतिको अध्यक्ष एल्कन थापा मगरले जानकारी दिनुभयो ।

ख्रीष्टमस साइकल र्याली समापन कार्यक्रममा सहभागीहरूलाई धरान ख्रीष्टियन समाजका अध्यक्ष रेभ.शामुएल राईले प्रमाणपत्र प्रदान गर्नुभएको थियो ।