शालोम ग्लोबल युथ फेलोसिपको अंग्रेजी संगति उत्साहका साथ सम्पन्न

काठमाडौं, २०७६ साउन १२ गते । शालोम ग्लोबल युथ फेलोसिपको यस महिनाको मासिक संगति यस क्षेत्रको बिभिन्न मण्डलीहरूबाट धेरै युवाहरूको सहभागितामा हिजो काठमाण्डौको नारायणस्थान, बुढानिलकण्ठस्थित एकता मिलाप मण्डलीमा धेरै उत्साहका साथ सम्पन्न भएको छ ।

यस अंग्रेजी संगतिलाई सोहि मण्डलीका आराधना झुण्डले आराधना र सञ्चालनमा अगुवाइ गर्नुभएको थियो भने वचनको सेवकाइ निगाह मिसन मण्डली, कपनका पास्टर देव श्रेष्ठले गर्नुभएको थियो ।

संगतिमा जवान युवाहरूको उत्साहको लागि शालोम संगति नेपालका आदरणीय पाष्टर अगुवाहरूको पनि बाक्लो उपस्थिति रहेको थियो । कार्यक्रमको अन्त्यमा सोहि मण्डलीले सबैको लागि प्रेम भोज पनि तयार गर्नुभएको थियो । उक्त प्रेम भोजमा उपस्थित सबै सहभागी भएर बिदावारी भएका थिए ।