युवा जागृति सम्मेलन सम्पन्न

लम्की, कैलाली । युवा जागृति संगती कैलाली, कन्चनपुरको आयोजनामा विलिभर्स चर्च लम्की चुहा नगरपालिका ५ राजिपुर, कैलालीमा गत भाद्र २९ गतेका दिन एक दिने युवा जागृति सम्मेलन सम्पन्न भएको खबर यस ख्रिस्टियन खबरलाई प्राप्त भएको छ ।

यस युवा जागृति सम्मेलनको सुरुको प्रार्थना पास्टर देवेन्द्र रानाले गर्नुभएसंगै सुरू गरिएको थियो । जसमा पहिलो सेसनको वचन प्रचार मिशन नेपाल बाइबल कलेजका प्रिन्सिपल सुरज सार्कीले चुनौतीपूर्ण आशिषमय वचनद्वारा युवाहरूलाई उत्साहित तुल्याउनु भएको थियो । यस सम्मेलनमा लम्की चुहाभित्र रहेका विभिन्न १३ वटा चर्चहरूबाट १५० जना भन्दा धेरै जवानहरूको उपस्थिति रहेको थियो । सो सम्मेलनमा सहभागी भएका जवानहरूले आफूभित्र रहेको विभिन्न प्रतिभाहरू प्रस्तुत पनि गरेका थिए ।

यस सम्मेलन मार्फत लम्की चुहाभित्र रहेका चर्चहरूलाई समेटेर गगन बि.क को अध्यक्षतामा ११ सदस्य एक युवा समिति पनि गठन गरिएको खबर छ । जुन समितिमा शशी सुनार उपाध्यक्षमा, प्रकाश राउत सचिवमा, सिर्जना जि.सी. उपसचिवमा, पुनम पुन मगर कोषाध्यक्षमा र सदस्यमा क्रमशः हर्क सुनार, सिमोन सुनार, रुपा चौधरी, राम बहादुर चौधरी, राजेन्द्र बि.क. र सुरेश चुनिनुभएको खबर प्राप्त भएको छ ।