पोखरामा दुई दिने युवा सम्मेलन २०७४ सम्पन्न

प्रकाश बानियाँ, पोखरा । पोखरामा रहेको ख्रीष्टियन युवाहरूको समुह पोखरेली ख्रीष्टिय युवा संगतिको आयोजनामा यहि कार्तिक २ र ३ गतेका दिन युवा तिम्रो मन कतापट्टि छ ? – मर्कुस ८ः३३ (ख) भन्ने प्रसङ्गमा नेपाल ख्रीष्टिय रामघाट चर्चमा सम्पन्न भयो । उक्त युवा सम्मेलनको उद्घाटन समारोहमा पोखरेली समुदायका अध्यक्ष पास्टर भविन्द्र राना लगायत बरिष्ठ पास्टर तथा अगुवाहरूको उपस्थिति रहेको थियो । पोखरेली ख्रीष्टिय युवा संगतिको उद्घाटन समारोहमा भुतपूर्व अध्यक्ष एल्डर राजु अधिकारी र समुदायको अध्यक्ष पास्टर भविन्द्र रानाले आफ्नो शुभकामना मन्तब्य राख्नुभएको थियो । उक्त सम्मेलनमा सिकाउनका लागि पहिलो दिन मलेसियाबाट पास्टर पालन रामास्वामी आउनुभएको थियो भने दोश्रो दिन पास्टर सुदेश गुरुङले सिकाउनुभएको थियो । उक्त कार्यक्रमको संयोजन प्रकाश पौडेलले गर्नुभएको थियो भने कार्यक्रमको सञ्चालन सचिव सुवास मसिहले गर्नुभएको थियो । उक्त सम्मेलनमा पोखराको विभिन्न चर्चहरूका लगभग ३०० जना युवायुवतीहरूको सहभागिता रहेको थियो । अन्त्यमा अध्यक्ष प्रकाश भुजेलले उपस्थित सबै जवानहरूलाई धन्यवाद दिई अन्तिम प्रार्थना गरी सम्पन्न भएको थियो ।